प्रवेशीत विद्यार्थ्यांना सजवलेल्या ट्रॅक्टर ट्रॉली मध्ये बसवून वाजत गाजत मिरवणूक !
नंदुरबार (शालेय वृत्तसेवा) :
नंदुरबार तालुक्यातील विखरण श्री.आप्पासाो.आत्माराम धवळू देवरे माध्यमिक विद्यालय,विखरण विद्यालयात नाशिंदा,खापरखेडा गावातील नविन प्रवेशीत विद्यार्थ्यांना सजवलेल्या ट्रॅक्टर ट्रॉली मध्ये बसवून लेझीम, ढोल ताशांच्या गजरात घोषवाक्य देऊन नाशिंदा व खापरखेडा गावभर रॅली काढण्यात आली.
तत्पूर्वी नाशिंदा येथील सरपंच मिनाक्षीबाई अरुण पाटील, उपसरपंच सुखदेव दत्तक ठाकरे, दुलबा ठाकरे, सुरेश भील, प्रविण पाटील, विजय पाटील,जि.प.शिक्षक कदम, पवार सर पालकवृंद, ग्रामस्थांच्या हस्ते प्रवेशोत्सव शैक्षणिक रथाचे उद्घाटन करण्यात आले.नवीन विद्यार्थ्यांचे वरील मान्यवरांच्या हस्ते गुलाबपुष्प, पेन,वही, शालेय पाठ्यपुस्तके देऊन गौरवण्यात आले. आपल्या पाल्यांचा वाजत-गाजत प्रवेशोत्सव आपल्याच गावात झाल्यामुळे पालकांचा आनंद द्विगुणीत झाला. सर्वच विद्यार्थ्यांनी मिष्ठान्न भोजनाचा आनंद घेतला.
प्रवेशोत्सव समारंभाचे, प्रास्ताविक विद्यालयाचे मुख्याध्यापक डी.डी. साळुंके यांनी तर सूत्रसंचालन डी.बी.भारती यांनी, आभार के.पी.देवरे यांनी मानले.कार्यक्रम यशस्वीतेसाठी एम.डी. नेरकर, वाय.डी.बागुल, श्रीम.एस.एच.गायकवाड, व्ही.बी.अहिरे,एस.जी. पाटील, श्रीम.एम.आर.भामरे यांनी परिश्रम घेतले.
आपल्या प्रतिक्रिया आमच्यासाठी महत्त्वपूर्ण आहेत .