शाळा सुरू होण्यापूर्वी प्रक्रिया पूर्ण करा !
सोलापूर (शालेय वृत्तसेवा) :
शाळा सुरू होण्यापूर्वी शिक्षकांच्या आंतरजिल्हा बदल्या होणे अपेक्षित असते यावर्षी शाळा 13 जून रोजी सुरू होणार आहेत मात्र बदली पोर्टल सुरू न झाल्याने शिक्षकांच्या बदल्या रखडल्या आहेत. काही दिवसात जिल्हा परिषदेच्या सार्वत्रिक निवडणुकीची आचारसंहिता लागण्याची शक्यता आहे त्यामुळे यंदाच्या वर्षी ही आंतरजिल्हा बदलीने येणाऱ्या शिक्षकांच्या बदल्या होणार की नाही असा प्रश्न उपस्थित होत आहे.
आंतरजिल्हा बदली प्रक्रिया सातत्याने विलंब होत असल्याने प्रक्रिया पूर्वीप्रमाणेच ऑफलाईन प्रणालीने करावी असाही सूर निघत आहे. बदली प्रक्रियेत पारदर्शकता यावी यासाठी पोर्टल सुरू करण्याचा निर्णय घेतला त्यानुसार पोर्टल चे काम 70 टक्के पूर्ण झाले मात्र अजूनही 30 टक्के काम न झाल्याने आंतरजिल्हा बदली प्रक्रिया पुन्हा लांबणीवर पडली आहे.
आपल्या प्रतिक्रिया आमच्यासाठी महत्त्वपूर्ण आहेत .